Um Góðvild

Um Góðvild

 

Góðvild var stofnað í desember 2016 

Góðvild hefur það markmið að styðja við verkefni sem snúa að því að bæta hag langveikra og fatlaðra barna á Íslandi og fjölskyldna þeirra.

 

Ásdís Arna Gottskálksdóttir - Formaður Góðvildar

 

Ásdís Arna Gottskálksdóttir, formaður Góðvildar.

Ásdís er stofnandi góðgerðafélagsins Bumbulóní sem hún stofnaði árið 2015 í minningu sonar síns, Björgvins Arnars, sem lést úr sjaldgæfum sjúkdómi árið 2013 þá sex ára gamall.

Tilgangur Bumbulóní er að styðja fjárhagslega við fjölskyldur langveikra barna sem berjast við sjaldgæfa og alvarlega sjúkdóma og eru styrkir veittir fyrir jólin ár hvert.

Ásdís er einnig stjórnarmaður í Leiðarljósi sem er stuðningsmiðstöð fyrir langveik börn.

Ásamt því að sitja í stjórnum er varða langveik börn situr Ásdís einnig í stjórn Amnesty International á Íslandi sem berst fyrir því að allir fái að njóta mannréttinda.

Ásdís er viðskiptafræðingur og starfar sem þjónustustjóri hjá hugbúnaðarframleiðandanum Five Degrees.

 

Sigurður Hólmar Jóhannesson - Gjaldkeri Góðvildar

 

Sigurður var einn af stofnendum AHC samtakanna árið 2009 en dóttir hans, Sunna Valdís, er eini Íslendingurinn sem er greind með Alternating Hemiplegia of Childhood.

Sigurður er formaður AHC samtakanna en einnig formaður AHC Sambands Evrópu og situr í tveim vinnuhópum Eurordis fyrir hönd sambandsins.

Sigurður var einn af stofnendum AHC International Alliance og gengdi starfi formanns 2012-2014 en situr nú í stjórn samtakanna.

Sigurður er einnig í stjórn Leiðarljóss, stuðningsmiðstöð fyrir langveik börn.

Sigurður starfar sem framkvæmdastjóri Ozon ehf.

 

Árnína Steinunn Kristjánsdóttir - Ritari Góðvildar

 

Árnína Steinunn Kristjánsdóttir, ritari Góðvildar, Árnína er einnig stjórnarformaður Rannsóknarsjóðs í minningu Helenu Matthíasdóttur en tilgangur sjóðsins er að styðja við rannsóknir á taugasjúkdómum barna á Barnaspítala Hringsins með veitingu fjárstyrkja.

Tilgangurinn er að auka skilning og þekkingu á taugasjúkdómum í börnum og getur sjóðurinn því einnig stutt við fræðslu og menntun á þessu sviði samkvæmt ákvörðun sjóðstjórnar.

Árnína er einnig stjórnarmaður í Leiðarljósi sem er stuðningsmiðstöð fyrir langveik börn.

Þá er Árnína stjórnarmaður í góðgerðarfélaginu Bumbulóní sem var stofnað árið 2015 í minningu Björgvins Arnars sem lést árið 2013, þá 6 ára gamall. Félagið veitir fjölskyldum alvarlegra langveikra barna fjárstyrk fyrir hver jól.

Dags daglega er Árnína yfirlögfræðingur Nasdaq á Íslandi.